منتدى خاص بابناء ظفر ومصر بالخارج يعكس الحياه بالخارج للناس فى مصر
 
الرئيسيةالبوابةس .و .جالتسجيلدخول

شاطر | 
 

 عويضه رجع من السفر بعد الغياب

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ابن الحاره
عضو فعال
عضو فعال
avatar

عدد المساهمات : 250
تاريخ التسجيل : 02/03/2010

مُساهمةموضوع: عويضه رجع من السفر بعد الغياب   الخميس مارس 18, 2010 10:05 pm

بسم الله الرحمن الرحيم

الساده ركاب الرحله 999 المتجهه الى القاهر سنصل الى مطار القاهره بعد 5 دقائق

ونزلت المطار ولقيت معامله حلوه قوى تعجيز فى الا جرات واسئله خايبه وكنت بتشتغل ايه هناك وقعدت 3 سنين ليه

وحمد له على السلامه يابيه

وفين حلاوة الوصول

ولقيت نضافه فى المطار وقلت من كتر النضافه انى ما عنتش مسا فر ولقيت امى واخواتى وبقية العيله

مستنين وفى الطريق لظفرلقيت زحمه وهيصه وسالت امى ايه الهرجله دى يا مه قالت يابنى

احنا بقينا بالملايين قلت يامه الصين مليار ومنظمين ولقيت حادسه على الطريق والناس مرما يين ولا اسعاف ولا حاجه

وما فيش احترام للبنئد مين اللى بيزمر واللى بيشتم واللى بيقول ويقول انا مسافر وكانوا بيقولو عن الشعب المصرى شعب اصيل

ووصلت ظفر ما لقتش بلدنا لا لا لا دى مش ظفر قلت يامه دى مش ظفر قالت انت اتهبلت ياواد يا عبيط

قلت ازاى دى ظفر البيوت حجاره كانها اصنام ومفيش فيهه حياه كل بيت بابه مقفول

وما فيش ناس قاعده على المصاطب ولا حد واقف فى الشارع ولا شايف بهايم سارحه ولا الناس راكبه الكنابيل ولاالمقطوره محمله انفار مع اننا كنا الصبح بدرى ما لقيتش ولا بيت

طالع منه دخانه ولا ريحت الخبيزوبصيت فى الوشوش ما لقتش ولا واحد اعرفه العيل الصغير كبر وما شى عامل بنق وديل حصان والعيال عادت لا بسه قمصان وبناطيل

وعلى صباح ربنا لقيتهم شا يلين مو بايلات صينى وما شيين معليين الصوت على الا خر

وبيسمعوا فى الا غانى وبصيت فى اديهم لا لقيت شرشره ولا عواقه ولقيت فى جيوبهم حلقة المطوه طالعه مع نص المطوه

ولقيت عيل منهم فى ايده سيجاره تخينه قلت دابتوع السجاير متوصيين بالناس هنا قوى

ولما شميت ريحت السجاره لقيتهه امر من ريحة الخنازير ايه ده اعوذ بالله

قالو دى ريحت الكيف اللى بتزرعه الشيا طين ولقيت بتوع صغار بيجرو فى البلد كانهم صرا صير قالو

دى التكاتك اللى اخترعها الهنديين

ووصلت دارنا لقيتهه مقفوله بجنزير ايه دا يا مه هوه ما حدش فى الدار قالت نسوان اخواتك جوه بس احنا بنقفل

علشان البلد ما عدتش فيهه امان فيه حراميه وصيع ومسا طيل

وبصيت فى حارتنا الوجوه مش اللى انا اعرفهه ولا خالتى فلانه ولا ابويه فلان الناس واقفه بتتفرج

وما حدش عايز يسلم عليه فين الناس

فين الناس الطيبين فين خالتى سعاد وخالتى زينب وخالتى نباء وفين وفين ابويه عبد الكريم

ولقيت مرات اخويه داخله وشايله عيش من الطابونه والتانيه داخله ومعاهه طعميه وفول فى كيس

وحطوا الا كل كأن محكوم عليك تكله ايه ده انتو هتئكلونى فول وطعميه هوه انى ناقص

فين المحشى بتاع امبارح اللى بايت سخنوه وهاتوه اكله وحمروه علشان اكول الحقاقه

قالت ما فيش طيب هاتو كباية لبن اشربهه قالو من يوم ما مشيت ما عنداش بنربى بهايم

بس هشتريلك نص كيلو تشترى هوه فيه حد بيبيع لبن فى ظفر

الله يرحم زمان يا مه لما كانوا الناس بيقومو بدرى يخبزو عيش ملقو ط ولا يعملو رحالى وكانت كل البيوت طالع منهه دخانة الخبيز

واللى خابزه عيش طرى تودى للى عامله رحالى

واللى ما عملتش اكيد عيانه ونايمه وما حدش ينام الصبح الا من الشديد القوى

وكنت الا قى بابنا بيخبط بعد الفجر على طول الا قى خالتى كوثر بنفسهه شا يله قوعب اللبن وعليه صنيه عليهه

جبنه وقشطه ومعاهه بنت ابنهه شايله معاهه قوعب لبن رايب وبعد شويه ا لا قى وحده تانيه جايبه والا قى عندنا

حاجات اكتر من اللى عندهم بهايم واه من فطار الصبح يا سلام جبنه حا دقه وكنكة لبن

وسريس وجرجير وعيش طرى وكوزين برجان اتشوى وهمه بيخبزو فى الفرن

وامى حاطه حبيتين بطاطص فى الملف بتاع الالرجاء عدم كتابة الكلمات المخلةه وتقشرهم وتحط عليهم شوية زيت

ويا سلام بقى لما امى تجيب عجوره متحدقه فى المش تكلهه كانك بتاكل فسيخ وعامله قبابير اللى بسكر

واللى بسمنه بلدى واللى بكمون فاكرين لما كا نو يعملو القبورى المدور وبيكون سا خن وامك تربطلك فيه عود قش

علشان تخده وتمش ومتتئخرش على المكتب اصلك لو اتاخرت ابوك الشيخ هيدبحك الله يرحم دا رنا القديمه والله ما كان ليهه ترباس

مش جنزير وكنا فى البيوت ما تعرفش دول ولاد مين بنعلب ونجرى حا فيين وكنا بناكل فى اى دار

ويا سلام لما كا نو يشوا ضره اااااااااااااااااااااااااااااااااااااااااااااااه

اتغيرتى يا ظفر حتى الوجوه اتغيرت حتى حرارة الجسم اتبدلت

الشوارع والحارات البيوت والسطوح والبيوت اتغيرت

فينك يا جارى وفينك يا صاحبى وفينك يا خالى وروحتى فين يا خالتى

فين القلوب الطيبه اللى كانت بتحضنا حضن بشوق

حاولت احضنك يا ظفر لقيت حضنك كله شوك

واه على على دمعه نزلت من عيونى

واه من حبايب رحلو وسا بونى

ومره واحده لقيت خالت استيته دخله تجرى وتقول عويضه فين

اتر ميت على حضنه وبكيت حسيت انى فى ظفر ولقيت خلتى فلانه وعلانه كلهم جايين

زى زمان مغيرتهمش السنين قولت همه دول ولاد ظفر الطيبين

مهما دار الزمان ما تغيرهمش السنين

وقعدت اضحك معاهم وقولتلهم انا من غيركم زى اللمبى اللى صحى لقى نفسه فى تركيا

اوعى يا ظفر تتغيرى

دا انتى الروح والشوق والحنين

دا لو دمى يروى ارضك ارويكى واموت انا بس يعيشوا نا سك الطيبين

ولو غدروا بيكى الا عادى ادعى عليهم واقول

ربنا يخرب بيت العدوين

مش كدا يا سيدى
الرجوع الى أعلى الصفحة اذهب الى الأسفل
Rasha
مشرفة المنتدى العام
مشرفة المنتدى العام
avatar

الجنس : انثى عدد المساهمات : 242
تاريخ الميلاد : 01/06/1990
تاريخ التسجيل : 03/03/2010
العمر : 27

مُساهمةموضوع: رد: عويضه رجع من السفر بعد الغياب   الجمعة مارس 19, 2010 6:34 am

نايس

جميل خالص الكلام دا كنت مستمتعه جدا وانا مسترسله في قرايته

ومتخيله كل اللي بتحكيله رغم ان في كلام مكنتش عارفه معناه

لكن التوبيك كله فيه ريحة الريف الجميله دا طبعا بالنسبة للي كنت بتقوله عن ايام زمان

واللي مبقيتش موجوده دلوقت

طيب انا عاوزة اعرف زمان ولا دلوقت احسن بالنسبالك؟

اكيد دلوقت في حاجات كتير اتطورت واتحسنت يعني اكيد التغيير مش كله سلبى

كنت تفضل تعيش في الزمن اللي حكيت عنه دا رغم تأخره؟

اللي انت حكيته صورة جميله لحياه ممكن نعيشها يوم يومين فسحه يعني

نستمتع فيها بجو الريف لكن كحياه دائمة

الريف هيحققلك كل سبل الراحه؟

علي فكره انا نفسي في كل اللي انت قلت عليه دا

الخبيز و القبورى المدور اللي فيه سكر

وريحة نسيم الصبح لما تمشي بين الشجر والاراضي الخضرا

ومتفتكرش اسئلتي ليك اعتراض علي حياة الريف انا فعلا عاوزة اعرف هي مريحه بالنسبالكم؟

وخصوصا بعد سفركم ومروركم بتجارب جديده وحياة جديدة مختلفه تماما

_____________ التوقيع _____________

الرجوع الى أعلى الصفحة اذهب الى الأسفل
ابن الحاره
عضو فعال
عضو فعال
avatar

عدد المساهمات : 250
تاريخ التسجيل : 02/03/2010

مُساهمةموضوع: رد: عويضه رجع من السفر بعد الغياب   الجمعة مارس 19, 2010 9:45 am

الاخت اوزوريس

انا لست ضد التطور والتغيير

ولابد ان يكون التغيير للا فضل

وان نستغل هذه الطفر التطوريه فى خدمتنا لا ان نستغلها فى الا شياء التى تنغص

حياتنا

وانا لا اريد ان اعيش فى الما ضى

بل احب التطور وعلينا ان نتطور مع المحافظه على العادات والتقاليد

وان نحمى هذا الموروث الا صيل من الضياع

وان يعود الحنان والحب الى البيوت

وان يعود التكافل بين الجيران

وان تتواصل الا رحام

هكذا يكون التطور والمدنيه مع المحا فظة على الا صل

واخيرا اشكرك على مرورك

وعلى تعليقك الا كثر من رائع

شكرا لكى
الرجوع الى أعلى الصفحة اذهب الى الأسفل
إنسان
عضو فعال
عضو فعال
avatar

الجنس : ذكر عدد المساهمات : 142
تاريخ الميلاد : 01/10/1983
تاريخ التسجيل : 20/02/2010
العمر : 34

مُساهمةموضوع: رد: عويضه رجع من السفر بعد الغياب   الجمعة مارس 19, 2010 11:59 pm

يااااااااااااااه
والله زمان يا عويضة

فكرتنا بأحلى أيام حياتنا
ظفر الخير
ظفر العشرة والناس الطيبة
والله كلنا وحشتنا ظفر قبل التطور وقبل ما يدخل الاسفلت والتوكتوك والموبايلات الصينى و...............الخ
هههههه وايام القبورى ابو سكر والسريس والجبنه الحادقه والمعمر
واللعب فى الجرن والتنطيط على قش الرز
أيام الخير والامان

والله زمان يا ظفر

الف شكر على الموضوع
الرجوع الى أعلى الصفحة اذهب الى الأسفل
طال السفر
عضو فعال
عضو فعال


الجنس : ذكر عدد المساهمات : 365
تاريخ الميلاد : 01/10/1985
تاريخ التسجيل : 06/03/2010
العمر : 32

مُساهمةموضوع: رد: عويضه رجع من السفر بعد الغياب   السبت مارس 20, 2010 2:02 am

والله زمان

بجد كلام جميل رجع الواحد لأحلى أيام وأنت نسيت اكله أحب أفكر بيها السلق والحميض ياسلام تعرف نفسى أكلهم من زمان هههههههه

وانت بجد فى أى مكان تكون موجود فيه بتخليه جميل بطبعك واصلاك الى عمره مايتغير وأحب أضيف حاجه ضغنونه

ممكن الدنيا تتغير ويبقى مفيش خير فى حد زى زمان بس لسه فى بلادنا ظفر بعض حاجات من أيام زمان مهما التكنولوجيا تتقدم وتنتشر

برضه لسه فى شويه خير فى البلاد بعكس بلاد تانى كتير

والله زمان يا ابن الحاره

وبجد موضوعك اكثر من رائع وفى انتظار المزيد وأن عارف ان لسه فى عندك كتيــــــــــر
الرجوع الى أعلى الصفحة اذهب الى الأسفل
صبحي عرفات
عضو جديد
عضو جديد


الجنس : ذكر عدد المساهمات : 6
تاريخ الميلاد : 20/01/1980
تاريخ التسجيل : 10/03/2010
العمر : 37

مُساهمةموضوع: رد: عويضه رجع من السفر بعد الغياب   السبت مارس 20, 2010 3:35 am

يااااااااااااااااااااااااه يا ابن الحاره يا ظريف طول عمرك ابن اصول من ايام ما كنت ساكن في المنصوره ايام الكليه وكنت بشوفك هناك
وانت لا تنسي اصل ظفر فين الايام دي طيب بخت يوم من الايام دي ولا ايام دراس الارز والكنوبيل يلف علي القرص كده
واحنا نقعد نتشقلب علي القش والله ايام حلوه وايام الاكل الحلو ده اللي انت قولت عليه كانت ايام جميله عمرها ما هتتعوض ابدا
انت عارف انا نفسي في ايه بجد والله نفسي اشوفك لانك بجد وحشتيني وما شوفتكشي من زمان خاااااااالص تحياتي ليكي يا ابن الحاره يا ظريف
الرجوع الى أعلى الصفحة اذهب الى الأسفل
ساكن العالى
عضو فعال
عضو فعال
avatar

الجنس : ذكر عدد المساهمات : 127
تاريخ الميلاد : 01/01/1982
تاريخ التسجيل : 06/03/2010
العمر : 35

مُساهمةموضوع: رد: عويضه رجع من السفر بعد الغياب   السبت مارس 20, 2010 4:38 am

مصر لسه بخير ياخونا وزى ما فيها فساد فيها خير كبيرجدا
شكرا يا عويضه فكرتنى بالذره المشوى إن شاء الله لما ترجع من السفر
نعملها مره على شط الترعه فى أبو قوره
الرجوع الى أعلى الصفحة اذهب الى الأسفل
ابن الحاره
عضو فعال
عضو فعال
avatar

عدد المساهمات : 250
تاريخ التسجيل : 02/03/2010

مُساهمةموضوع: رد: عويضه رجع من السفر بعد الغياب   السبت مارس 20, 2010 9:28 am

يا عم يالى طال سفرك

تصدق انت غاوى فقر

عايز ترجعنا للحميض والسلق

بس اقولك

انا لما نزلت اجازه سرحت جيبتلهم سلق وخليت امى عملتلى محشى

على العموم شكرا لمرورك
الرجوع الى أعلى الصفحة اذهب الى الأسفل
ابن الحاره
عضو فعال
عضو فعال
avatar

عدد المساهمات : 250
تاريخ التسجيل : 02/03/2010

مُساهمةموضوع: رد: عويضه رجع من السفر بعد الغياب   السبت مارس 20, 2010 9:34 am

يا عم الا نسان

نةرت بيت عويضه

ويارب ما نتحرم منك ابدا

والحمد لله ان ظفر بخير طالما فيهه الناس المحترمه مثلك

شكرا لمرورك
الرجوع الى أعلى الصفحة اذهب الى الأسفل
Admin
مدير المنتدى
مدير المنتدى
avatar

الجنس : ذكر عدد المساهمات : 262
تاريخ الميلاد : 28/10/1986
تاريخ التسجيل : 16/02/2010
العمر : 31

مُساهمةموضوع: رد: عويضه رجع من السفر بعد الغياب   السبت مارس 20, 2010 9:37 am

ههههههههههههههههههههههههه

على فكرة ظفر زى ماهى هى هى ماتغيرتش
احنا اللى اتغيرنا وبقينا بنشوف حاجات مكانتش ظاهرة لينا قبل السفر
لكن اهل ظفر هم هم بطيبتهم وبثقافتهم ومصاطبهم بأفراحهم وأحزانهم
بخبيزهم وقبابيرهم وسلقهم وحميضهم

مهما التكنولوجيا والثقافة زادت احنا اصلنا جوانا مش هيتغير مدى الحياة
والدليل على كدة كلامكم انتم وردودكم الجميلة على الموضوع



وحشنى ترابك يا ظفر

_____________ التوقيع _____________


الرجوع الى أعلى الصفحة اذهب الى الأسفل
http://zafrawe.ahlamontada.com
ابن الحاره
عضو فعال
عضو فعال
avatar

عدد المساهمات : 250
تاريخ التسجيل : 02/03/2010

مُساهمةموضوع: رد: عويضه رجع من السفر بعد الغياب   السبت مارس 20, 2010 9:39 am

الحبيب صبحى عرفات لو انى واحشك مره

والله واحشنى الف مره

الايام الحلوه عمرهه ما تتنسى ابدا

مع انهه كانت ايام تعب لكن كانت ليهه لذه جميله

وايام الكوره ونادى المنصوره وكلية اللغة العربيه

لما غلبنا ويش الحجر

ويااااااااااااااااااااااااااااااااااااااااااااه

كانت ايام فى منتهى الروعه

لك كل الشكر على المرور

ومليون شكر على السؤال
الرجوع الى أعلى الصفحة اذهب الى الأسفل
ابن الحاره
عضو فعال
عضو فعال
avatar

عدد المساهمات : 250
تاريخ التسجيل : 02/03/2010

مُساهمةموضوع: رد: عويضه رجع من السفر بعد الغياب   السبت مارس 20, 2010 9:43 am

الا خ الحبيب محمود عليوه

انا موافق لما اجى اجازه نشوى

ذره بس بشرط نصطاد تحت الكوبرى

بس بلاش تخبى القرموط الكبير

موافق ولا لا يا عم محمود
الرجوع الى أعلى الصفحة اذهب الى الأسفل
ابن الحاره
عضو فعال
عضو فعال
avatar

عدد المساهمات : 250
تاريخ التسجيل : 02/03/2010

مُساهمةموضوع: رد: عويضه رجع من السفر بعد الغياب   السبت مارس 20, 2010 9:45 am

الا دمن اشكر

مرورك على الموضوع
الرجوع الى أعلى الصفحة اذهب الى الأسفل
ساكن العالى
عضو فعال
عضو فعال
avatar

الجنس : ذكر عدد المساهمات : 127
تاريخ الميلاد : 01/01/1982
تاريخ التسجيل : 06/03/2010
العمر : 35

مُساهمةموضوع: رد: عويضه رجع من السفر بعد الغياب   السبت مارس 20, 2010 10:33 pm

ما انت عارف إنى مليش فى القراميط
بس تيجى انت بالسلامه وربنا يسهل
بالباقى
الرجوع الى أعلى الصفحة اذهب الى الأسفل
ابن الحاره
عضو فعال
عضو فعال
avatar

عدد المساهمات : 250
تاريخ التسجيل : 02/03/2010

مُساهمةموضوع: رد: عويضه رجع من السفر بعد الغياب   السبت مارس 20, 2010 10:37 pm

اشكرك للمره الثانيه

اخى محمود
الرجوع الى أعلى الصفحة اذهب الى الأسفل
أحمد النجار
مشرف المنتدى الاسلامى
مشرف المنتدى الاسلامى


الجنس : ذكر عدد المساهمات : 284
تاريخ الميلاد : 13/11/1961
تاريخ التسجيل : 05/03/2010
العمر : 56

مُساهمةموضوع: رد: عويضه رجع من السفر بعد الغياب   الأحد مارس 21, 2010 8:04 am

رجعت لإبداعاتك
ياابن الحارة
يافنان
يامبدع
خسارة تبخل علينا بهذه
الخواطر الجميلة
وأرجوك أن تدون هذه القصص
وتطبعها في كتاب
دمت بخير
الرجوع الى أعلى الصفحة اذهب الى الأسفل
ابن الحاره
عضو فعال
عضو فعال
avatar

عدد المساهمات : 250
تاريخ التسجيل : 02/03/2010

مُساهمةموضوع: رد: عويضه رجع من السفر بعد الغياب   الأحد مارس 21, 2010 9:03 am

شيخى الفاضل الا ستاذ احمد

دائما تشرفنى فى اى مكان

بالرد على مواضيعى

اشكرك على تواجدك معنا
الرجوع الى أعلى الصفحة اذهب الى الأسفل
نانا
عضو فعال
عضو فعال
avatar

الجنس : انثى عدد المساهمات : 97
تاريخ الميلاد : 29/08/1990
تاريخ التسجيل : 21/03/2010
العمر : 27

مُساهمةموضوع: رد: عويضه رجع من السفر بعد الغياب   الأحد مارس 21, 2010 11:20 am

مواضيعك جميله
ولذيذة
ومبهجه
شكرا لك
الرجوع الى أعلى الصفحة اذهب الى الأسفل
sondo0s_nour
عضو فعال
عضو فعال


الجنس : انثى عدد المساهمات : 41
تاريخ الميلاد : 04/12/1955
تاريخ التسجيل : 14/03/2010
العمر : 61

مُساهمةموضوع: رد: عويضه رجع من السفر بعد الغياب   الأحد مارس 21, 2010 1:25 pm

ابنى الغالى / ابن الحارة

اْعمل ايه يا غالى

مكتوب علىّ اْدور عليك

فينك يا اعز الناس هنت عليك يا ولدى

بس برضه متميز

وظفر جميلة ما دام عويضة واللى مثله فيها

بارك الله فيك وفى حكاويك الهادفة

تقبل منى اجمل وارق تحية وود
الرجوع الى أعلى الصفحة اذهب الى الأسفل
ابن الحاره
عضو فعال
عضو فعال
avatar

عدد المساهمات : 250
تاريخ التسجيل : 02/03/2010

مُساهمةموضوع: رد: عويضه رجع من السفر بعد الغياب   الإثنين مارس 22, 2010 6:37 am

اهلا بمرورك الرقيق

نانا

نورتى بيت عويضه
الرجوع الى أعلى الصفحة اذهب الى الأسفل
ابن الحاره
عضو فعال
عضو فعال
avatar

عدد المساهمات : 250
تاريخ التسجيل : 02/03/2010

مُساهمةموضوع: رد: عويضه رجع من السفر بعد الغياب   الإثنين مارس 22, 2010 6:45 am

الحبيبة والرقيقه

النسمة القادمه من الشمال

التى اتت بالنسيم العليل امنا اغالية سندس نور

كما انتى فى كل شبر تضعين قدماكى فيك

يعم فيه الخير

كم انا سعيد لقدومك للمنتدى

وتشريفك له

بل وتشريفك لعويضه

بل تواجدك فى موضوع من مواضيع عويضه

تشريف لى انا

امنا الغاليه

متعكى الله بالصحة والعافيه
الرجوع الى أعلى الصفحة اذهب الى الأسفل
 
عويضه رجع من السفر بعد الغياب
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى ظفراوى :: أخبار بلدنا :: بلدى وان جارت على عزيزة-
انتقل الى: