منتدى ظفراوى
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


منتدى خاص بابناء ظفر ومصر بالخارج يعكس الحياه بالخارج للناس فى مصر
 
الرئيسيةالبوابةأحدث الصورالتسجيلدخول

 

 {{{ الدكتور حصـــــــــــــاوى }}}

اذهب الى الأسفل 
4 مشترك
كاتب الموضوعرسالة
Rasha
مشرفة المنتدى العام
مشرفة المنتدى العام
Rasha


الجنس : انثى عدد المساهمات : 242
تاريخ الميلاد : 01/06/1990
تاريخ التسجيل : 03/03/2010
العمر : 33

{{{ الدكتور حصـــــــــــــاوى }}} Empty
مُساهمةموضوع: {{{ الدكتور حصـــــــــــــاوى }}}   {{{ الدكتور حصـــــــــــــاوى }}} Emptyالجمعة مارس 19, 2010 10:09 am

كانت الساعة تقترب من العاشرة مساء وكان يسير وحيدا بالقرب من جامعةالقاهرة والشارع يكاد يكون خاليا تمام من البشر فى هذا الجو القارسالبرودة

شاب فى منتصف العقد الثالث من العمريسير



شاردا ينفخ فى راحتية ليبث فيهما الدفئ يفكر ويفكر ولايدرى الى اينتقودة قدماة حتى استوقفة مشهد لفت انتباهه بشدة .

فبرغم برودة الجو تلك كان هناك رجلا يسير الهوينى بجانبسور الجامعة , يكاد وجهه ينطق ويقول . انة قروى ساذج , فقد كان الغباء يطل من كل قسماتوجهه . وكان يسحب خلفة حمارا اعجف لا يقل عنة غباء.

ومالفت إنتباة الشاب لهذا الرجل أنة كان قد خلع خفية واضعا اياهماتحت إبطة وكان يتمسح فى السياج المحيط بالجامعة احيانا ورافعا يدية بدعاءحار احيانا أخرى كل ذلك وهو يطوف حول السور.

تعجب الشاب كثيرا لهذا المشهد وأصر على ان يعرف قصة
هذا القروى الساذج , وسر ما يفعله بجوار سور الجامعة فى مثل هذا الوقت
وهذا الجو الشديد البرودة
؟

اقترب منة الشاب والقى علية السلام فردعلية القروى السلام وسألة الشاب قائلا

- انت بتعمل اية هنا ياعم الحاج ؟

فنظر الية الية القروى نظرة يطل منها الغباء قائلا لة

- انت يعنى مش شايف انا بعمل اية ؟

- لا شايف بس مش فاهم

فرد علية القروى باستنكار قائلا

- انا باقرأ الفاتحة لاولياء اللة الصالحين واتبرك بيهم

فغر الشاب فاة من شدة عجبة قائلا

- هم فين اولياء اللة الصالحين دول يا راجل انت ؟

فرد علية القروى بإستهجان قائلا

- هو البعيد اعمى ولا اية ؟ هى مش الى هناك دى قبة بردة؟



- أيوه دى قبه يا عم الإور .

- طيب طالما دى قبه ؟ يبقى لازم يكون تحت القبة شيخ . وانا اتبرك بة

نظر الية الشاب لحظات ثم اطلق ضحكة مجلجلة وظل يضحك حتى كاد ان يقع على قفاة من شدة الضحك

فاغتاظ القروى وقال لة بغضب

- انت بتضحك على اية يا جدع انت ؟

- بأضحك عليك وعلى غباءك طبعا يا راجل انت . انت عارف اية القبة دى يابنى آدم ؟

- مأ أنا قلتلك انها قبة لولى من اولياء اللة الصالحين

- ولى اية وصالحين اية يا راجل يا جاهل ؟ دى قبة جامعة القاهرة .

فنظر الية القروى ببلاهة وردد

- جامعه القاهرة ؟ يعنى اية جامعة يا جدع انت ؟

- جامعة يعنى مدرسة , بس مدرسه كبيرة قوى , الناس بتتعلم فيها . يعنى الحمار ممكن يدخلها يطلع منها دكتور.

وجاء الدور على القروى كى يفغر فاة دهشة وقال بغباء واضح

- الحمار يدخلها يطلع منها دكتور ؟

- ايوة طبعا انت اول مرة تسمع عن الجامعة ولا اية ؟

- بصراحة يا ابنى انا اول مرة انزل البندر , وعمرى ما سبت بلدنا , وعمرى ماسمعت عن الجامعة دى .

- زى ما قلتلك كدة دى مدرسة كبيرة قوى بتعلم الناس حتى الحمير والبقر كمان ,

فنظر الية القروى مفكرا ثم قال

- انت قلت ان الحمار ممكن يدخل الجامعة دى يطلع منها دكتور ؟ مش كدة ؟

فتأملة الشاب قليلا فادرك مدى سذاجة وغباء هذا الرجل وقرر شئ خبيث جداً







يتبع

..........









الرجوع الى أعلى الصفحة اذهب الى الأسفل
Rasha
مشرفة المنتدى العام
مشرفة المنتدى العام
Rasha


الجنس : انثى عدد المساهمات : 242
تاريخ الميلاد : 01/06/1990
تاريخ التسجيل : 03/03/2010
العمر : 33

{{{ الدكتور حصـــــــــــــاوى }}} Empty
مُساهمةموضوع: رد: {{{ الدكتور حصـــــــــــــاوى }}}   {{{ الدكتور حصـــــــــــــاوى }}} Emptyالجمعة مارس 19, 2010 10:13 am

{{{ الدكتور حصـــــــــــــاوى }}} DonkeySmall



لانت نغمة حديث الشاب وقال للقروى متلطفاً

- ايوة ياسيدى انا قلت كدة . بس انت بتسأل لية ؟
بدا القروى متردداً وكان لا يزال يقلب الموضوع فى رأسه , فقد كان لا يزال متعجباً من الكلام الذى قاله الشاب وأخيراً قال له
- انا قصدى يعنى ان الحمار بتاعى دة ممكن يدخل الجامعة دى , ويتخرج منها ويبقى دكتور ؟
وهنا ادرك الشاب أن القدر ألقى فى طريقه هذا القروى لكى يحصل من ورائه على بعض المال , فتمهل قليلاً وقال له بغموض
- طبعا يا حاج . هو انت فاكر معظم الدكاترة دول كانوا فى الأصل اية يعنى ؟
وأستدرك الشاب قائلا
- بس خلى بالك الموضوع دة بيكلف كتير .
- هيكون كام يعنى ؟
-: مش اقل من ألف جنية فى السنة . وعلشان دة طبعا حمارهايقعد فيها مش اقل من 4 سنوات.يعنى من الآخر هايكلفك حوالى أربع تلاف جنيه
وشهق القروى قائلا
-أربع تلاف جنيه ؟؟ ياليلة سوخة ؟ لية يعنى ؟
فرد علية الشاب
- انت باين عليك مش فاهم حاجة ! انت ناسى ان الحمار دة بعد ما يتخرج من الجامعةهيكون دكتور ومهما صرفت عليه هايرجعلك كله اضعاف أضعافه من شغل يومين ولا ثلاثة .
- يجيبهم فى يومين ولا ثلاثة ؟
- طبعا يا اخى ! دة اقل فيزيتا هتكون بـ 100 جنية لما يعمل لة 15 ولا 20 كشف فى اليوم شوف انت بقى ؟
اخذ القروى يحسب ويجمع ويطرح فى رأسة ثم هز رأسة كمن لم يتوصل لحل وقال للشاب
- بس اناهاستفيد اية يعنى منة لما يبقى دكتور ؟
فرد علية الشاب بإستنكار
- ازاى بقى ؟ دة انت صاحبة الوحيد والخير دة كلة هيكون لك انت . هو لية حد فى الدنيا غيرك انت ؟
فكر القروى قليلا ثم قال
- طيب ازاى بقى ادخلة الجامعة دى يا ابنى ؟
فأبتسم الشاب فى نفسة فقد وصل الى مربط الفرس وقال للرجل
- شوف يا عام الحاج . انت باين عليك ابن حلال مصفى . تعرف ان صاحب الجامعة دى من اعز اصدقائى , وكنا مع بعض من ساعتين بس . انا هوصية عليك .
فتبسم القروى فى سعادة وقال لة متملقا
- انت بردة الخير والبركة . ياريت توصية علينا ياخد الف جنية بس .
- انت باين عليك غلباوى يا راجل انت ومش وش نعمة ! الف جنية اية يا راجل انت ؟ هو احنا بنبيع بطيخ ؟ بقولك إيه , إنت مش وش نعمة سلام عليكم .
وتصنع الشاب الغضب وهم بالسير ولكن القروى تمسك بذراعة وقال فى استعطاف
- ياعم انت مالك حمبلى لية كدة ؟ بالراحة شوية . احنا بناخد وندى فى الكلام .
- بلا ناخد بلا ندى . انت تروح بنفسك لصاحب الجامعة واتصرف معاة وابقى قابلنى لو رضى يدخل حمارك الغبى دة الجامعة .
- هدى خلقك خلاص اللى انت تقول علية, الغرض بس اقولك انى ما معييش دلوقت غير الالف جنية دول.
- مش بقول لك إنك غاوى وجع قلب , خلى بالك ميعاد التقديم خلص من يومين ولولا ان صاحب الجامعة صديقى مش ممكن يقبلوا حمارك فيها
- يا سيدى بس طول بالك على , إنت تاخد الألف دى دلوقتى , ويومين بس وأجيبلك الباقى لحد عندك , وأهو الحمار هايكون معاك رهنيه يعنى
وتبسم الشاب وتصنع الرضا وقال
- بقولك اية انت باين عليك راجل على قد حالك , وتستاهل الخدمه
- ايوة واللة يا ابنى .
- طيب اسمع . انت تجيب الالف جنية دول دلوقت بس بشرط اول ما يتخرج ويبقى دكتور تعطينى باقى الفلوس , وانا هاحاول مع صاحب الجامعة انة يصبر علينا شوية لحد ما حمارك يتخرج ويشتغل .
فرح القروى كثيرا واخذ يدعوا للشاب بتضرع فاستوقفة الشاب قائلا
- بس فية شرط لازم تنفذة الاول .
- انا من ايدك دى لايدك دى اللى تأمر بية
- اوعى تجيب سيرة الموضوع دة لاى مخلوق حتى لو كانت مراتك أم عيالك ؟ انت فاهم ؟. لان زى ماقلتك التقديم خلص ولو قلت لحد هاتلاقى بلدكم كلها هنا بكرة عايزة تقدم لحميرها وبقرها ومعيزها , وساعتها لانت هاتطول حاجة ولاهما
- امرك مطاع بس كدة؟
واخرج القروى المبلغ من صديرتة واعطاة للشاب وسلمه مقود الحمار بعد ان لهج لسانة بالشكر والعرفان واخذ يوصية على حمارة خيرا
وتسلم الشاب النقود وأدار ظهرة لينصرف لكن استوقفه صوت القروى الغاضب يصيح فية
- استنى عندك يا جدع انت !



يتبع ..........


الرجوع الى أعلى الصفحة اذهب الى الأسفل
nada
مراقب عام
مراقب عام
nada


عدد المساهمات : 596
تاريخ التسجيل : 02/03/2010

{{{ الدكتور حصـــــــــــــاوى }}} Empty
مُساهمةموضوع: رد: {{{ الدكتور حصـــــــــــــاوى }}}   {{{ الدكتور حصـــــــــــــاوى }}} Emptyالجمعة مارس 19, 2010 10:42 am

ها

وبعدين

فكرتيني بفلم أحمد مظهر واسماعيل يس العتبة الخضرا
الرجوع الى أعلى الصفحة اذهب الى الأسفل
Rasha
مشرفة المنتدى العام
مشرفة المنتدى العام
Rasha


الجنس : انثى عدد المساهمات : 242
تاريخ الميلاد : 01/06/1990
تاريخ التسجيل : 03/03/2010
العمر : 33

{{{ الدكتور حصـــــــــــــاوى }}} Empty
مُساهمةموضوع: رد: {{{ الدكتور حصـــــــــــــاوى }}}   {{{ الدكتور حصـــــــــــــاوى }}} Emptyالجمعة مارس 19, 2010 10:47 am


وسقط قلب الشاب فى
قدمية عندما إستوقفه الرجل بتلك النبرة الغاضبة


وظن ان القروى قد ادرك الحيلة اخيرا فتوقف متوجسا شرا وتقدم منة الرجل قائلا فى حدة


- انت فاكرنى حمار ولا أية يا جدع انت ؟ لا إوعى يغرك منظرى ؟ ده أنا مفتح قوى وفاهم ألعايبكم يا ولاد البندر


خفق قلب الشاب وقال له مرتبكاً


- فيه إيه بس يا عم الحاج ؟ إنت رجعت فى كلامك ولا إيه


- لا يا مفتح . ما رجعتش فى كلامى ولا حاجه , لكن إنت سايبنى وماشى من غير ماتقولى بعد ما هايتخرج الحمار بتاعى هاعرفه إزاى ؟ طبعا ما هو شكلة هايتغير , مش هايغيب عن عينى أربع سنين بحالهم ؟


استرد الشاب انفاسة الهاربة ولعن غباء الرجل فى سرة ولكنة ابتسم قائلا


- ماهو انت اللى أقولك اللى نسيتنى إزاى هاتعرفه بعد ما يبقى دكتور بمقاوحتك وفصالك معايا .


واخرج الشاب ورقة وقلم من جيبة وتذكر اسم طبيب مشهور فى وسط البلد فكتب اسم الدكتوروعنوانة فى الورقة واعطاها للرجل وقال


- شوف يا سيدى بعد اربع سنين بالتمام والكمال انت تيجى على العنوان دة وتسال عن الدكتور( بعرور الحصاوى ) هيدلوك علية وهو اول ماهيشوفك هايعرفك على طول وهايخدك بالحضن كمان . وساعتها إبقى إفتكرنا بقى فى العز اللى هاتشوفه معاه


- اهوة كدة مش سايبنى وماشى خليتنى اشك فيك وأقول علي كنصاب . بس اشمعنى يعنى " بعرور الحصاوى" ؟ انا كان نفسى اسمية اسم تانى, أصل ده إسم حميرى قوى .


فرد علية الشاب بفروغ صبر وقالة لة


- يا بنى ادم افهم بقى ! كل حمار لما يبقى دكتور لازم فى الاول يكون اسمة " بعرور الحصاوى " وبعدين لما تقابلو بعض ان شا الله تسمية هيثم ولا توتو حتى , انت حر ؟ وبعدين يا أخى انت تعبتنى معاك إن ماكانش عاجبك خد حمارك وفلوسك ومع السلامة .


- لا لالا خلاص انا بس كنت باطمئن . خلاص السلام عليكم


وهرول الرجل مسرعا قبل ان يرجع الشاب فى كلامة وتمهل الشاب قليلا حتى توارى الرجل ولم يستطيع ان يتمالك نفسة اكثر من ذلك وسقط على ظهرة من شدة الضحك





***************

يتبـــــــــــــع
الرجوع الى أعلى الصفحة اذهب الى الأسفل
Rasha
مشرفة المنتدى العام
مشرفة المنتدى العام
Rasha


الجنس : انثى عدد المساهمات : 242
تاريخ الميلاد : 01/06/1990
تاريخ التسجيل : 03/03/2010
العمر : 33

{{{ الدكتور حصـــــــــــــاوى }}} Empty
مُساهمةموضوع: رد: {{{ الدكتور حصـــــــــــــاوى }}}   {{{ الدكتور حصـــــــــــــاوى }}} Emptyالجمعة مارس 19, 2010 10:50 am

مرت اربع سنوات كاملة
والقروى على احر من الجمر كاتما السر فى قلبة لم يبح بة لاى مخلوق , وكان
يبيت كل ليلة وهو يعلم بالعز الذى سيعيش فيه هو وبقية ابنائة , وقرر أن
يطلق على حماره إسم الدكتور " سعد " على أساس أنه سيكون سبب السعد له . آل
حصاوى آل , بقى ده إسم ده , وقرر أن يتبناه ويعتبره إبن من أبنائه
.
وإن كان أحيانا يساوره بعض القلق أن يكون قد تعرض لعملية نصب , ويكون هذا
الشاب قد ضحك عليه , ويخرجه محامى أو مدرس , لكن وماله ؟ كله كويس . وكله
بيكسب حلو .


وظل على حاله تلك كل ليلة حتى مرت السنون وجاء الموعد الأمل المنشود


وفى الموعد المحدد ارتدى احسن ثيابة واخذ سيارة خاصة هبط بها الى القاهرة واعطى السائق الورقة التى بها اسم وعنوان الدكتور والتى كان يكاد يخفيها تحت
جلدة من شدة حرصة عليها وانزلة السائق فى العنوان المحدد وأشار لة على
اللافتة التى كتب عليها بخط منسق ( الدكتور / بعرور الحصاوى – اخصائى
الجراحة العامة )


وكم كانت سعادة القروى عندما اكد لة السائق ان هذة هى عيادة الدكتور حصاوى . اذا فقد كان قلقة السنوات السابقة فى غير محلة فقد ظل الفأر يلعب فى عبة طوال الاربعسنوات خوفا من ان يكون قد تعرض لعملية نصب . ولكن هاهو الدكتور " بعرورالحصاوى " موجود بالفعل وهذة هى عيادتة فى احسن مكان فى مصر

وشكر القروى السائق كثيرا وعانقة بشدة ونفحة بقشيش سخى والسائق لا يفهم سر سعادتة المفرطة تلك ولكنة تقبل البقشيش بصدر رحب وماشأنة ان كان الرجل مجنونا او عاقلا

واسرع القروى صاعدا الى عيادة الدكتور ودخل مسرعا فأوقفة التومرجى قائلا

-: على فين يا أخينا ؟

فنظر الية الرجل شذرا وقال لة فى تعالٍ

- وإنت مالك يا بنى آدم إنت ؟ هى مش دى عيادة الدكتور ( بعرور الحصاوى ) ؟

- أيوه هى دى عيادة الأستاذ الدكتور " بعرور الحصاوى "

- طيب وسع كده بقى بدل ما إنت واقف لى زى لوح اللطزانه كده

- أوسع مين يابا الحاج ؟ الدكتور عنده كشف , وبعدين إنت لازم تدفع الفزيتا الأول .

-
فيزيتا إيه يا بنى آدم إنت ؟ إنت مش عارف أنا مين ؟ أنا فى مقام والد
الدكتور . يعنى لو سمعك دلوقتى هايكسر دماغك , ده أنا صاحبه الوحيد . ثم
إنت مين يا جعر إنت علشان توقفنى وتقولى فيزيتا ؟


تردد التومرجى وإهتز أمام كلام الرجل وقال له مرتبكاً

- أنا التمرجى يا حاج ..ما تآخذنيش يا با الحاج , إللى ما يعرفك يجهلك

فابتسم الرجل بتعال وربت على كتف التومرجى وهز رأسة قائلا

- انت بردة معذور , بس الغلط عند الدكتور اللى ما قالش لك إنى لازم يوم من الأيام هاجى . إتفضل يالا بلغه إنى هنا . قول له صاحبك الوحيد مستنى يشوفك من زمان

وانتظر قليلا فى البهو وهو يعد عدد الزبائن الموجدين فى العيادة ويقوم بعمليات ضرب وقسمة وجمع حتى دارت راسة فكف عن ذلك قائلا لنفسة

- دى الحكاية عال قوى دة مش اقل من الف جنية فى اليوم الواحد اللهم زيد وبارك

ونادى علية التومرجى لدخول حجرة الدكتور فقام مسرعا وهندم نفسة ودخل مسرعا الى الحجرة فاتحا ذراعية عن اخرهم وهو يصيح بسعادة ودموع الفرح تترقق فى مقلتية

- بالحضن ياحبيى يا اغلى على من اولادى . سنين وانا مشتقالك .

وارتمى فى احضان الدكتور الذى انزعج بشدة من هذا التصرف العجيب وأزاحة عنة بعنف قائلا فى غضب

- انت مين يا راجل انت ؟ انت تعرفنى منين ؟

وتدلى لسان القروى ذهولاً وكاد عقلة ان يطير واخذ ينظر الى الدكتور فى بلاهة مرددا

- انا مين ؟ انا مين ؟ انت مش عارفنى يا حصاوى ؟

- حصاوى فى عينك يا مخبول انا عمرى ماشفتك قبل كدة .

وكاد الرجل يجن فعلا واخذ يضرب كفا بكف ويقول

- عمرك ماشفتنى ؟ دة انا صاحبك الوحيد . دة انت ملكش صاحب فى الدنيا دى غيرى . ولا علشان ربنا فتحها عليك وبقيت دكتور بتتنكر لى دلوقتى , يخونك البرسيم والعلف اللى كنت بأكلهملك بأيدى دول ؟

وهنا استشاط الدكتور غضبا وصفع الرجل على وجههة وصاح به

- إنت أكيد مجنون , برسيم إيه يابنى جاموس يا جعر , أنا لازم أبلغ البوليس ييجوا يرموك فى السرايا الصفرا .

كاد
الرجل يسقط ميتاً بعد هذه المقابلة الجافة الغريبة , فلم يكن يحلم فى أشد
كوابيسه أن حماره الذى كان يركبه ويدلدل رجليه , يعمل يقابله بهذه الطريقة
بعد ما أصبح طبيب مشهور , وبعد كل ما أنفقه عليه فقال له بذهول


- بوليس
.. ؟؟ هى حصلت البوليس ومستشفى المجاذيب كمان ؟ إخص عليك حمار خسيس . ناكر
الجميل . ناقص تقولى كمان إنك ترفع على قضية حجر . خسارة فى جتتك كل اللى
صرفته عليك يا واطى


وهنا لم يتمالك الطبيب نفسه فدفع الرجل تجاه الباب دفعة قوية وركلة بقدمه بشدة على مؤخرتة فدفعة الى الخارج وسقط على الأرض وهو يصيح بالتومرجى أن يلقى به خارج العيادة

ووقف الرجل مكانة يكاد يصاب بالشلل وهو يهتف بذهول

- إخص
عليك ؟ أيوه كده , بان على حقيقتك , مهما إتعلمت وخدت شهادات وبقيت دكتور
ولا حتى عالم من العلما عمرك ما هتنسى أصلك الحميرى أبداً


والدليل أهوه ...
لساك بترفس زى زمان


{{{ الدكتور حصـــــــــــــاوى }}} Attachment




تمت بحمد الله
الرجوع الى أعلى الصفحة اذهب الى الأسفل
Rasha
مشرفة المنتدى العام
مشرفة المنتدى العام
Rasha


الجنس : انثى عدد المساهمات : 242
تاريخ الميلاد : 01/06/1990
تاريخ التسجيل : 03/03/2010
العمر : 33

{{{ الدكتور حصـــــــــــــاوى }}} Empty
مُساهمةموضوع: رد: {{{ الدكتور حصـــــــــــــاوى }}}   {{{ الدكتور حصـــــــــــــاوى }}} Emptyالجمعة مارس 19, 2010 11:01 am

الموضوع كله فانتازيا

يعني مفيش حد بعينه مقصود

وفي معني ورا الحكايه هو المطلوب منك تستخلصه

ومن غير ما حد يزعل ان الشخصية الرئيسية قروية

انا مثلا من اصل قروى

ومع ذلك عجبتني القصة نقلتهالكم ومكنتش زعلانه لما قريتها

ارجو انكم تستمتعوا بيها

الرجوع الى أعلى الصفحة اذهب الى الأسفل
nada
مراقب عام
مراقب عام
nada


عدد المساهمات : 596
تاريخ التسجيل : 02/03/2010

{{{ الدكتور حصـــــــــــــاوى }}} Empty
مُساهمةموضوع: رد: {{{ الدكتور حصـــــــــــــاوى }}}   {{{ الدكتور حصـــــــــــــاوى }}} Emptyالجمعة مارس 19, 2010 11:06 am

{{{ الدكتور حصـــــــــــــاوى }}} Icon_lol
الرجوع الى أعلى الصفحة اذهب الى الأسفل
Rasha
مشرفة المنتدى العام
مشرفة المنتدى العام
Rasha


الجنس : انثى عدد المساهمات : 242
تاريخ الميلاد : 01/06/1990
تاريخ التسجيل : 03/03/2010
العمر : 33

{{{ الدكتور حصـــــــــــــاوى }}} Empty
مُساهمةموضوع: رد: {{{ الدكتور حصـــــــــــــاوى }}}   {{{ الدكتور حصـــــــــــــاوى }}} Emptyالجمعة مارس 19, 2010 11:16 am

هو دا اللي انتي فالحه فيه

ما تقولي طلعتي بايه {{{ الدكتور حصـــــــــــــاوى }}} Icon_study
الرجوع الى أعلى الصفحة اذهب الى الأسفل
nada
مراقب عام
مراقب عام
nada


عدد المساهمات : 596
تاريخ التسجيل : 02/03/2010

{{{ الدكتور حصـــــــــــــاوى }}} Empty
مُساهمةموضوع: رد: {{{ الدكتور حصـــــــــــــاوى }}}   {{{ الدكتور حصـــــــــــــاوى }}} Emptyالجمعة مارس 19, 2010 11:21 am

أن الحمار بياكل البرسيم

{{{ الدكتور حصـــــــــــــاوى }}} Icon_eek
الرجوع الى أعلى الصفحة اذهب الى الأسفل
طال السفر
عضو فعال
عضو فعال



الجنس : ذكر عدد المساهمات : 365
تاريخ الميلاد : 01/10/1985
تاريخ التسجيل : 06/03/2010
العمر : 38

{{{ الدكتور حصـــــــــــــاوى }}} Empty
مُساهمةموضوع: رد: {{{ الدكتور حصـــــــــــــاوى }}}   {{{ الدكتور حصـــــــــــــاوى }}} Emptyالسبت مارس 20, 2010 2:46 am

مع مرور أربع سنوات وبعد طلوع الروح

استنتجت :

أن فى ناس كتير فى أعلم مناصب العلم اللى انهم ميعرفوش يعمله بنادمين وأعرف ناس كده ومنهم دكتور ( عصاوى )

والعلم مش كل شىْ والعلم مش شهاده بورقه العلم هو كيفية معاملة الناس بأصل ومبادى ومعاملة الناس أكبر شهاده فى الدنيا

يارب يكون أستنتاجى فى محاله وتكون عند حسن الظن .


وبعدين انا عايز أشتكيلك يا إيزيس ............. علشان الموضوع كبير جدآ
الرجوع الى أعلى الصفحة اذهب الى الأسفل
Rasha
مشرفة المنتدى العام
مشرفة المنتدى العام
Rasha


الجنس : انثى عدد المساهمات : 242
تاريخ الميلاد : 01/06/1990
تاريخ التسجيل : 03/03/2010
العمر : 33

{{{ الدكتور حصـــــــــــــاوى }}} Empty
مُساهمةموضوع: رد: {{{ الدكتور حصـــــــــــــاوى }}}   {{{ الدكتور حصـــــــــــــاوى }}} Emptyالسبت مارس 20, 2010 6:43 am

اوك اشتكى كلي آذان صاغيه

مين بس اللي مزعلك

وكلامك اكيد صح

والحكايه فيها معاني كتير

زي ان الاصل بيغلب وانك ممكن تتعاطف مع حد وتعمل فيه معروف

وتكبره ويصعد علي اكتافك وفي النهاية بيكون جزاءك الجحود والنكران

الرجوع الى أعلى الصفحة اذهب الى الأسفل
طال السفر
عضو فعال
عضو فعال



الجنس : ذكر عدد المساهمات : 365
تاريخ الميلاد : 01/10/1985
تاريخ التسجيل : 06/03/2010
العمر : 38

{{{ الدكتور حصـــــــــــــاوى }}} Empty
مُساهمةموضوع: رد: {{{ الدكتور حصـــــــــــــاوى }}}   {{{ الدكتور حصـــــــــــــاوى }}} Emptyالسبت مارس 20, 2010 7:14 am

مين بس اللي مزعلنى

يــــــــــــــــــــا ستــــــــــــــــى

العيال اللى عندك

امبارح جيت لقتهم مبهدلين الدنيا عندى

ومكسرين فى المطبخ وفتحين حنافيه الحمام وسيبنه شغاله

هههههههههههههههههههههههههههههههههههههههههه

انا بس عايز أقولك أن الامضاء بتاعتك شكله ظريف تقابلى تهرجى ههههههه

وعلى فكرة كلامك كله أكيد صح وفيه أشياء بنشوفها بأستمرار فى حياتنا ( ناكر الجميل )
الرجوع الى أعلى الصفحة اذهب الى الأسفل
Admin
مدير المنتدى
مدير المنتدى
Admin


الجنس : ذكر عدد المساهمات : 262
تاريخ الميلاد : 28/10/1986
تاريخ التسجيل : 16/02/2010
العمر : 37

{{{ الدكتور حصـــــــــــــاوى }}} Empty
مُساهمةموضوع: رد: {{{ الدكتور حصـــــــــــــاوى }}}   {{{ الدكتور حصـــــــــــــاوى }}} Emptyالسبت مارس 20, 2010 9:29 am

طيبة القلب والبساطة والعفوية والشهامة


مابقتش تنفع اليومين دول
لازم كل واحد يبقى اسد فى غابة من اولاد المدينة اللى مفكرين نفسهم بيفهموا
وييروحوا يتسغلوا طيبة وعفوية الناس البسيطة ويضحكوا عليهم


موضوع لذيذ يا ايزيس ومنتظرين المزيد
الرجوع الى أعلى الصفحة اذهب الى الأسفل
https://zafrawe.ahlamontada.com
Rasha
مشرفة المنتدى العام
مشرفة المنتدى العام
Rasha


الجنس : انثى عدد المساهمات : 242
تاريخ الميلاد : 01/06/1990
تاريخ التسجيل : 03/03/2010
العمر : 33

{{{ الدكتور حصـــــــــــــاوى }}} Empty
مُساهمةموضوع: رد: {{{ الدكتور حصـــــــــــــاوى }}}   {{{ الدكتور حصـــــــــــــاوى }}} Emptyالسبت مارس 20, 2010 11:46 am

Admin كتب:
طيبة القلب والبساطة والعفوية والشهامة


مابقتش تنفع اليومين دول
لازم كل واحد يبقى اسد فى غابة من اولاد المدينة اللى مفكرين نفسهم بيفهموا
وييروحوا يتسغلوا طيبة وعفوية الناس البسيطة ويضحكوا عليهم





لا يا محمود انت شطحت بتفكيرك بعيد شويه

واسمحلي يعني ردك فيه بعض التجاوزات

انت اتهمت اولاد المدينه انهم مفكرين نفسهم بيفهموا " يعني الحقيقه غير كدا "

وانهم بيستغلوا طيبة الناس البسطاء ويضحكوا عليهم

ليه؟؟

اولاد المدينه كلهم نصابين ومش بيفهموا؟

كان الاولى انك تقول فئه من ... عشان ترفع عن نفسك الوقوع في الخطأ

لان محدش بيختلف معايا اكيد ان كل مكان فيه وفيه

في من ابناء المدينه فعلا بيساغل طيبة الناس ويخدعه

وفي من ابناء القرية برده نفس النموذج

مفيش بؤرة علي وجه الارض كلها ملايكه ولا بؤرة كلها شياطين

النقيضين موجودين في كل مكان

لا لا انت متحامل شويه

شويتين
الرجوع الى أعلى الصفحة اذهب الى الأسفل
Admin
مدير المنتدى
مدير المنتدى
Admin


الجنس : ذكر عدد المساهمات : 262
تاريخ الميلاد : 28/10/1986
تاريخ التسجيل : 16/02/2010
العمر : 37

{{{ الدكتور حصـــــــــــــاوى }}} Empty
مُساهمةموضوع: رد: {{{ الدكتور حصـــــــــــــاوى }}}   {{{ الدكتور حصـــــــــــــاوى }}} Emptyالإثنين مارس 22, 2010 5:04 pm

يعنى انتى عملتى الاقتباس كله ومسحتى منه الحت اللى بشكرلك فيها فى الموضوع
هههههههههههههههههههههههههههههههههههههه

طيب ياستى
وعلى العموم الغلط عندى وانا مكنتش اقصد كل اولاد المدينه يعنى كلهم كلهم يعنى
لا طبعا فية ناس كويسه وكل مكان فيه الكويس وفيه الرضى
وكمان اولاد القرى فيهم ابالسه يعنى مش ملايكة ولا حاجه
اسف انى رديت بسرعه كدا على الموضوع من غير ماوضح
كنت بنكشك بس Very Happy
بس ليا ملاحظات على الموضوع بعدين نبقى نناقشها

وبردو
موضوع لذيذ يا ايزيس ومنتظرين المزيد Very Happy


الرجوع الى أعلى الصفحة اذهب الى الأسفل
https://zafrawe.ahlamontada.com
Rasha
مشرفة المنتدى العام
مشرفة المنتدى العام
Rasha


الجنس : انثى عدد المساهمات : 242
تاريخ الميلاد : 01/06/1990
تاريخ التسجيل : 03/03/2010
العمر : 33

{{{ الدكتور حصـــــــــــــاوى }}} Empty
مُساهمةموضوع: رد: {{{ الدكتور حصـــــــــــــاوى }}}   {{{ الدكتور حصـــــــــــــاوى }}} Emptyالثلاثاء مارس 23, 2010 6:17 am

لا طبعا انا مش متجاهلة انك قولت موضوع لذيذ {{{ الدكتور حصـــــــــــــاوى }}} Icon_biggrin

و الشكر ينسب لكاتب القصة الاصلي

انا نقلتها لاني بفضل النوع دا من الكتابات اللي بتنقد اوضاع المجتمع والسياسة

في قالب كوميدى ساخر

وانتظروا قريب جدا " حمــــــــــــــــــار من الشرق "

هيعجبكم ان شاء الله
الرجوع الى أعلى الصفحة اذهب الى الأسفل
 
{{{ الدكتور حصـــــــــــــاوى }}}
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى ظفراوى :: أخبار بلدنا :: ع المصــطـــبة-
انتقل الى: