ريا وسكينه وحسب الله....

ههههههههههههههههههههههههههههههههههههههه

هى من اولها كده عفاريت ماشى اتوكلنا على الله

_ لو طلع لك عفريت في يوم هاتعمل ايه؟

هاقول بسم الله الرحمن الرحيم ده طبعا وانا بجرى

2_ لو حسيت ان في عفريت موجود في المكان اللى انت فيه هاتعمل ايه؟

هادور على اقرب شباك او باب ونط منه

3_ لو حد قالك انك ملبوس هاتتصرف ازاي؟

هو حد اصلا هايعرف انى ملموس وهايكلمنى
ولو حد قلى كده هاقوله لا ياراجل والنبى

4_ كنت ماشي في حته ظلمه ولاقيت خيال خلاك اترعبت ولا تقدر ترجع ولا تقدر تكمل وهاتموت من الخوف ؟
لا والله هو الخيال ممكن الواحد يشوفه فى الضلمه ممكن يكون خيال حسب الله
ومع ذلك لو شفته هاجرى عاكسه


5_ تخيل كده انت ماشي دلوقتي في حته ظلمه وفجئه طلع عليك خفاش هاتصرخ ولا هاتموت من الفزعه ولا هايجري لك ايه؟
انا طبعا هاموت من الفزع بس مش هاصرخ وممكن انام فى الارض علشان اتفاداه


6_ لو وانت قاعد دلوقتي بتقرا الاسئله دي وبتبص في الشاشه اوي فجئه وانت بتبص شفت فيها ان حد واقف وراك هاتعمل ايه؟
انا هخاف طبعا وهسأل نفسى هو انا مشغل فيلم ولا ايه ودا من كتر الخوف


7_ لو كنت في البيت لوحدك والدنيا ليل وفي عز الشتا والنور قطع عليك والكلاب في كل حته في الشارع وصوتها يخوف هاتعمل ايه؟
اولا انا مش بخاف لما اكون قاعد لوحدى حتى لو فى البيت والنور قاطع ولو الكلاب فى كل حته ولها صوت صدقونى دى حاجه تطمن مش تخوف


8_ خرجت تروح تصيف واجرت شقه وطلعت مسكونه وبيضهر لك فيها عفاريت وماتقدرش تاخد غيرها لان الفلوس مش هاتكفي هاتتصرف ازاي وانت ماتقدرش تنام الليل؟
هالم خلقاتى وانزل على طول واقضى يوم على البحر افك عن نفسى وعن الصدمه لحد العصر وبعد العصر اجى عالبلد طيران


9_ اخدت شقه جديده وسكنت وارتحت فيها واكتشفت بعد مابقت تحصل حاجات غريبه في البيت ان الشقه دي كانت فيها قتيل؟
هاسيب العماره كلها طبعا مش الشقه بس لوحدها ولو عرفت اللى هايسكون هاقوله على اللى فيها


10_ اشتريت عربيه وطلع ان واحد كان مقتول فيها؟
انا والله نفسى اشترى عربيه بس دلوقتى صرفت نظر

11_ لو انت في رحله وبتاخد صوره لحد من صحابك وبعد تحميض الفيلم لاقيت خيال غريب في الصورة والمفاجئة انه عفريت هاتعمل ايه؟
هاقطع الصوره على طول وبكده العفريت هايتقطع بس وانا ايدى بترتعش وعينى مش مصدقه


12_ قالولك ان البيت ده مسكون تعالا ندخله هاتدخل ولا لا؟
والله لو معايا ناس كتير هادخل معاهم بس لو لوحدى مش هاعدى من عند البيت اصلا


13_ دخلت البيت المسكون دلوقتي ولاقيت حاجات مرعبه بتحصل زي مايكون حد جنبك وقلبك بيدق بسررررعه ورجلك مش شايلاك وخيالات رايحه جايه وبيبان بتتقفل وتتفتح وفجئه تلاقوا عفريت وراكم والكل يصرخ ويجري من ناحيه ويسيبوك لوحدك في البيت المسكون هاتتصرف ازاي وانت مش عارف ازاي تخرج؟
انا هاعمل نفسى مسورق دا لو محصلشى فعلا لو العفريت فقسنى بقى وعرف انى بمثل عليه ابقوا تعالو زورونى واقروا عليه الفاتحه كل يوم خميس


14_ احكي لنا عن موقف مع العفاريت حصل لك وعمرك ماتنساه؟
والله انا عمرى ما حصلى مواقف من دى بس هاحكيلكم على قصه ظريفه حصلتلى وفيها عفاريت برده
كنت فى معسكر فى اسكندريه مع النادى وكنا قاعدين فى فندق وكل 3 قاعدين فى اوضه كان اصحابى اللى معايا فى الاوضه اسمهم علاء واحمد وشريف
شريف ده كان بيخاف جدا وعلاء كان عمه بيحضر وبيسحر وبيعمل حاجات غريبه من دى المهم علاء اتفق معانا اننا نعمل مقلب فى شريف
وبدأ المقلب بأن علاء بدأ يتكلم عن عمه واللى بيحصل عنده وقال وانا قاعد مع عمى فى يوم طلع عفريت ولمسنى ومن يومها بعمل حاجات غريبه طبعا شريف خاف جدا وبدأ علاء مع شريف بنظرات غريبه اوى وكل يوم علاء يزودها شويه بشخط وزعيق فى شريف كل ده وشريف يقولى انا مش عارف الواد علاء بيبصلى بصات غريبه كده ليه هو عاوز ايه انا قلتله هو بيجيله حاله ملكش دعوه بيه ودا من ضمن الاتفاق مع علاء طبعا فضلنا على الحال ده يومين لحد شريف مااترعب وجه علاء فى اليوم التالت وعمل انه جاله حاله وبدأ ينادى على شريف ويجرى وراه وشريف يجرى ويعيط ويقول الحقونى
وعلاء يقوله هاتها لازم تجيبها وشريف يقف ورا البيبان ويقوله استنى بس عايز ايه وانا ادهولك ويعيط طبعا الفرقه كلها مستغربه من اللى بيحصل ومكنش حد عارف المقلب الا الكباتن بس والعيال عرف ان علاء بيجيله حاله والكل اترعب المهم جه الكباتن واخدم علاء طبعا شريف دخل حمام وقفل على نفسه وعمال يعيط بطريقه فظيعه المهم اخدنا علاء وقلناله كفايه كده قال لسه شويه المهم قلنا انا هنام تحت السرير بتاعه وقولوله انى رحت اوضه تانيه قلنا ماشى رحنا جبنا شريف بالعافيه وقال لازم اشوفه فى اوضه تانيه بعنيه الاول المهم جبنا مخده وغطناها ببطنيه على سرير فى اوضه تانيه
وجه شريف وشافها وصدق ان ده علاء ونايم الكلام ده كانت الساعه 2 بالليل جه شريف دخل الاوضه وطفينا النور والجو هادى فاجئه لقيت شريف قايم يطمن على الترابيس بتاعت الباب وبعد مااطمن رجع نا على السرير وبدأ يشتم فى علاء ويقول كلام وحش عليه كل ده وانا نايم تحت البطانيه وبطنى وجعانى من الضحك المهم شريف يشتم فى علاء واحمد يقوله ياد ياشريف اسكت الواد عارف العفاريت وممكن يطلعلنا من اى حته علاء يقوله يعنى هايكسر الباب ولا يكسر الحيطه دا واد غبى وملموس هو لسه مكملش الكلام وراح علاء واقف بالسرير لقيت شريف بيصرخ الحقونى الحقونى
وراح علاء منور النور اول النور منور وشريف شاف علاء راح واقع على الارض طبعا علاء ساق فى الدور وعمال يزعق والفرقه كلها صحت
وجم عندنا الاوضه فيه ناس مكنتش عارف المقلب لما شافت شريف على الارض وعلاء شغال فى الحاله يتاعته والله بدأو فى العياط والجرى
وانا رحت واقع على الارض من كتر الضحك لدرجة ان جالى شد فى بطنى من كتر الضحك ورحت لدكتور وفضلنا نفوق فى شريف اكتر من ساعه
بس فضل زعلان مع علاء اكتر م3 ايام وبعد كده صالحه بس كل مايقعد معانا فاجئه كده نلاقيه ميت على نفسه من الضحك ايه يابنى فيه ايه
يقول بفكر فى اللى كان بيحصل

15_ شفت حد ملبوس قبل كده؟
[color=blue]انا ماشفتش انا سمعت شريط لشيخ كان بيطلع عفريت من واحد ملموس


16_ عرفت ان المكان ده في قتيل والفضول هايموتك عشان تخش تتفرج هاتقدر ولا لا؟
والله لو معايا ناس كتير هاتدخل واشوف لو انا لوحدى مش هاروح هناك اصلا


17_ تقدر تروح بيت مسكون وتقعد فيه لوحدك يوم كامل؟
لا طبعا ولا اعدى من عنده خالص

18_ سمعت قبل كده اصوات خوفتك ؟ امتي ؟ وفين؟
انا سمعت صوت خوفنى بس مكنش حقيقى وده كان فى معسكر بس انا كنت من ضمن المصحوك عليهم وكان واحد صاحبى جايب ضحكت غفريت فى شريط وشعله بالليل واحنا نايمين وعلا الصوت احنا كلنا اترعبنا والمصيبه انه كله كان سامع بس محدش قادر يتكل لحد ماسمعنا واحد بيعيط


19_ حصل في عمارتكم جريمه قتل فظيعه مجزرة بمعنه الكلمه وعيله اتقتلت واتقطعت فيها هاتقدر تسكن تانى فيها ؟ وهايبقي احساسك ايه وانت راجع بالليل والدنيا ظلمه وطالع السلالم بالراحه كده وتعدي علي باب الشقه اللى كانت فيها المجزره؟
انا والله اول مااسمع الخبر هاكون بلم فى شوية العزاويل واعزل على طول

20_ تقدر تروح الاماكن دي بالليل لوحدك ومن غير اى وسيله اتصال بالناس :_



1_ المقابر
2_ جبل في منطقة بعيده
3_ تبقي في مركب في عرض البحر
انا الحاجه الوحيده اللى مش بخاف لو عديت عليها حتى لو بالليل المقابر بس مقدرش ادخلها
اما بالنسبه للبحر انا بحب اوى انزل البحر بالليل متعه بس لو انا فى عرض البحر فى مركب لوحدى انا لازم احس بالخوف طبعا
اما بقى بالنسبه للجبل والله لو انا عارف ان الجبل مفيش فيه حاجه وحشه هاروح الجبل بس مش لوحدى طبعا
21_ انت خواف بنسبه كام في الميه؟
والله مقدرش اجوابك على السؤال ده ويمكن كتير من الناس متقدرش تجاوب بس فيه ناس ممكن تديلك نسبة ميه فى الميه

23_ ايه اكتر فيلم رعب بتحبه؟
اكلى لحوم البشر
هو فيلم مرعب اوى بس القصه اللى خلتنى اكمله للاخر يعنى الانسان العدى لو اتعض منهم يتحول ريهم واتحول واحد كان بيحب واحده وكل ما يشوفها
يحاول ميقربش منها علشان متتحولش لحد ماجه يوم واتقبلم فى مكان خالى تماما ومسكا وعايز يعضها بس مش قادر وفضل يصرخ جامد اوى وفى الاخر لقى صحابه اللى هما اتحولوا زيه جايين وفضل معاها لحد ماهربها بس كان موقف صعب جدا

يارب اكون ضيف خفيف عليكم وتتهانوا معايا شويه ولو عايزين الدهب خدوه كله بس سيبونى اروح
يارب اكون ضيف خفيف عليكم
تقبلوا كل احترامى