لا ياخويا فيه جدع حليوه فى البلكونه اللى قصادنا و بيقعد يبصبص

الله أكبر الله أكبر..أذان الظهر.. يارب.. يارب بحق ده الآدان تنجح يا نونو يابن ابنى
وأشوفك دكتور أد الدنيا ...... ياستى بس أنا فى تجارة.... وماله يا بنى تجارة تجارة
ده التجاره شطاره..... ياستى ونعم بالله بس اللى بيطلع دكتور لازم يكون فى كلية
الطب مش التجارة…. ياللا تجارة تجارة ....
ده الله يرحمه جدك كان تاجر فى الوكالة أد الدنيا..... ياستى التجارة اللى فى الوكالة
حاجة واللى فى الكلية حاجة تانية......ع العموم شد حيلك أنته وانا أخلى جدك يخدك معاه الوكاله
عشان تتدردح وتتودك فى السوق
...... جدى إيه اللى هايخدنى معاه ده جدى مات من زمان ياستى…. يامصيبتى عبد الواحد مات.
.ياحبيبى ياأخويا..مكنش يومك ياسبعى..... ياستى ده ميت من تلتين سنة..... .يلا الله يرحمه بس ده كان بخل الدنيا فيه..
أن ما عمره دخل عليه ببطيخة ولاكيس جوافة...... ياستى حرااام عليكى عايز أذاكر بقى ……
يوه..وأنا ماسكاك ياوله..ذاكر ...ذاكرعشان ربنا يكرمك وتنجح وتاخد الدبلون.......
ياستى دبلون إيه.أسمه البكالوريوس …….أنته عتضحك عليه ياوله..أسمه الدبلون الواد ابن فايزة
جدع زيك كده فى مدرسة التجارة وخد الدبلون...... خلاص دبلوم دبلوم ياستى ..
سيبينى بقى عشان أذاكر ….. ذاكر ..ذاكر ياأخويا ذاكر... تعرف ياواد ..
ندرن عليا يوم ماتنجح لأكون رايحه خاطبالك عبير بت رئيسه....دى إيه ياواد..
أدب واخلاق..وعلام كمان.. ياستى عبير دى معاها أعدادية...... وماله يابنى ...
الراجل مايعبهوش إلا جيبه.... راجل ...راجل مين ياستى...عبير دى بنت….
عبير..عبير مين ياوله..أنته بتعرف بنات من ورانا… لا إله إلا الله....
أبوس رجلك ياستى أرحمينى بقه .. طب ذاكر....ذاكر جتك نيله وأنته طالع براوى كده زى أمك
....قطعت وقطعت سيرتها...أنامش عارفه أبوك كان أجوزها على إيه..حكم...
قال لبس البوصة تبقى عروسة..بس لكون مبوظه الخطوبة دى ومجوزاه أنيسة بت أختى …..
ياستى خطوبة إيه..أبويا مجوز أمى من خمسة و عشرين سنة ..وبعدين أنيسة دى بنت أخوك مش بنت أختك ..وأساسا إنتى ملكيش إخوات بنات …. صحيح ياوله ..أنته عندك حق أنا مليش إخوات بنات..
أصلى أناأمى ماكنتش بتخلف صبيان ....." حراااااااااام " ....ستى ماتطلعى البلكونة شويه ...
ده الهوا حلو بره … لأياخويا....فى جدع كده حليوه وشعره مسبسب فى البلكونه اللى فى الوش
بيقعد يعاكسنى … خلاص روحى المطبخ ...أهو زمان أمى خلصت الرز رز...رزإيه يابنى....
هوأنا ليه سنان للرز...أناهطلع البلكونه أحسن.. طب أبقى خلى بالك م الهوى ياستى…
هوى لما يلطشك …. ستى ستى تحبى تتجوزى ولا تاكلى مهلبية ....
والله يا بنى انا مليش شنان للمهلبية ….الحمد لله أخيرا خرجت وقدرت أذاكر ..
رحت الأمتحان تانى يوم وربنا كرمني وحليت كويس لكن للأسف المراقب
سحب مني الورقة قبل ما أكتب أهم حاجة فيها ………………
ياترى أنا كان إسمى إيه؟؟ ياترى كان إسمى إيه؟؟ !!!!!!!!!!

هههههههههههههههههههههههههههه

اسمك النونو

واكيد طالع لستك

ههههههههههههههههههه

ست رغاية ياساتر
دانا نسيت الموضوع اصلا من رغيها
بس دمها خفيف
جوزوها واخلصوا

» أبوك لأبو جدك لأبو اللى جابك يابن ال......