سؤال ماهى الغربة؟؟؟؟

بسم الله الرحمن الرحيم

اولا دعونى ارحب بكل من فى المنتدى بداية من الادمن والمشرفين والمراقيبن والاعضاء
المعروف منهم لدى والمجهول بالنسبة لي ولكننا كلنا ابناء قرية واحده ( ظفر ) وأبناء دولة واحده (مصر) اغلى ماعندى
فكلنا هنا شئ واحد مترابطين من اجل مصلحه واحده.

ثانيا احب اشكر الادمن محمود على فكرة المنتدى الجميلة دى لاول مرة نلاقى مكان نقدر نتتكلم فيه ونقول
كل الى جوانا من تعب وفرح وحزن وسعاده مكان بتاعنا لوحدنا بشكرك ياحوده .

ثالثا

دعونا نتحدث سويا وسوف اعرض عليكم بعض الاسئلة

1. ماهى الغربة ؟؟؟

2.هل تأمين مستقبلنا فى الغربة فقط ؟؟

3.ماهى الضريبة المدفوعه من اجل الغربة ؟ وماالمقابل ؟؟؟

دعونى اقول كلمة اخيرة
كل شخص فينا لو اتنازل فى بلده نص التنازل الى بيتنازل عنه فى الغربة صدقونى
هنكون احسن من اى شعب واى حد فى الدنيا
بس المشكلة فينا بنطلب التغير بدون مانقول حلول لازم نتغير احنا الاول
وبعدين كل حاجه هتمشي ذى ماحنا عاوزينها
لازم نفكر بجد فى التغير ونجد الحلول
وحابب ان الحوار يتاخد بكل اهمية
والحوار الهادف

وتقبلوا تحياتى

محمد أحمد مصطفى

شعله المصري

شكرا جزيلا يا محمد على الموضوع الجميل والشيق
وفعلا كلامك مظبوط

لكن للاسف الشديد ان الغربة بقت ضرورة ملحة من ضروريات الحياة
زيها كده زى الجيش ((شئ لابد منه))
وبخاصة ان مصر للاسف لا توفر نفس فرص العمل للشباب زى ما بتكون فى الغربة
والشباب بيضطر الى السفر بحثا عن فرصة عمل وعن دخل محترم يقدر يعول بيه نفسه وعائلته
وكمان علشان يقدر يكون نفسه ويبدأ مستقبله وحياته الخاصة

وأنا أول واحد بكره الغربه دى بس زى ما قلنا انها شر لابد منه
وربنا يقصر غربتنا جميعا اللهم أمين
ونرجع لبلدنا ولاهلنا بسلام كلنا ان شاء الله فى القريب العاجل

شكرا مرة تانية على الموضوع الجميل

واتمنى مساهمات من باقى الاعضاء